Milli Marketinq forumu Marketing AİR, Facemark.az və Azərbaycanın ilk onlayn marektinq televiziyası olan Facemark.tv komandası, həmçinin ölkənin marketinq sferasında çalışan dostların birgə səyi nəticəsində illik olaraq keçirilir.

Bu ilin 26-27 may tarixində III Milli Marketinq Forumu 28Cinema-nın 260 nəfərlik 5-ci zalında keçiriləcəkdir. Bu il toplam 6 panel və hər paneldə ən az 5 spiker olmaqla, toplam 30-dan çox spikerin olması planlaşdırılıb.

Forumda Pərakəndə Ticarət Sektoru, Müştəri Davranışları, Marketinq Kommunikasiyaları, Karyera, Milli Keyslər kimi panellər olacaqdır ki, bütün panellər üzrə ana istiqamət hazırkı iqtisadi şərait daxilində «Olimpə Doğru» seçilmişdir. Foruma biletlər 28cinemanın kassalarında satışdadır.

Forum boyu twitter həştəqimiz #mmf2015 aktiv olacaq və istər forumdan öncə, istərsə də forum ərəfəsi istənilən şəxs öz fikir, irad və suallarını həştəqi qeyd edərək də verə biləcək.

Milli Marketinq forumunda iştirak haqqı: 40 AZN