Beyləqan Rayon Məhkəməsi

Beyləqan Rayon Məhkəməsi birinci instansiya məhkəməsi kimi Beyləqan rayonunun ərazisi çərçivəsində qanunla səlahiyyətlərinə aid edilmiş mülki, cinayət, inzibati xətalara dair və digər işlərə baxır.

Beyləqan Rayon Məhkəməsinin yaranması

Beyləqan (köhnə Jdanov) Rayon Məhkəməsi Azərbaycan SSR-də məhkəmə sistemi yarandığı vaxtdan yaranıb, əvvəllər adı Jdanov rayonu olub sonradan adı dəyişdirilərək Beyləqan rayonu adlandırılıb.Beyləqan rayonunun ümumi sahəsi 1131 kv.km, əhalisi 88.726 nəfərdir. Rayonun relyefi əsasən düzənlikdir. Rayon kənd təsərrüfatı rayonu olmaqla, əhali heyvandarlıq, taxılçılıq və bostançılıqla məşğul olur. Rayonda 1 şəhər, 16 qəsəbə və 25 kənd vardır. Rayonun ərazisində 14856 nəfər məcburi köçkün məskunlaşıb.Beyləqan rayonu İmişli, Füzuli, Xocavənd, Ağcabədi rayonları və İran İslam Respublikası ilə həmsərhəddir.