“İRƏLİ” İctimai Birliyi gənclərin maarifləndirilməsi sahəsində fəaliyyətini davam etdirərək Azərbaycan Respublikası Gənclər və İdman Nazirliyinin dəstəyi ilə "SAY: Support of Azerbaijan Youth” hərəkatı adı altında – “GREEN” layihəsinə start verir. SAY hərəkatının ikinci fəaliyyəti çərçivəsində təşkil olunacaq düşərgədə gənclər açıq havada qurulacaq yaşayış çadırlarında qalaraq, bir sıra ekoloji, ətraf mühitin qorunması sahəsində təlimlərdə, ictimai müzakirələrdə iştirak edərək öz bilik və bacarıqlarını inkişaf etdirəcək və eyni zamanda təşkil olunacaq səmti müəyyən etmə, dağa dırmanma və müxtəlif ekstrim idman növləri üzrə yarışlarda özlərini sınayacaqlar. Düşərgə zamanı gənclərə Azərbaycanda aparılan könüllü hərəkatı üzrə xüsusi təlimçilər, səmti müəyyən etmə, dağçılıq, atıcılıq, velosiped idmanı, ekoloji maarifləndirmə üzrə xüsusi təlimlər və təcrübə proqramları təşkil olunacaqdır.

Layihənin əsas məqsədi düşərgə zamanı təbiətin insan tərəfindən çirkləndirməsinin mümkün qədər aradan qaldırılması və gənclərə sosial məsuliyyəti öyrədərək gələcəkdə böyük ekoloji problemlə qarşılaşmamaq üçün onlara sağlam həyat prinsiplərini aşılamaqdır.

• Seçim zamanı təbiətin qorunmasında ekoloji prinsiplərin önə çəkilməsində maraqlı olan və ekstrim şəraitdə yaşamaq həvəskarı olan şəxslərə üstünlük veriləcək.
• Layihə 04.08.2015 – 09.08.2015 Gəncə şəhərinin Hacıkənd qəsəbəsində keçiriləcək.
• Layihə çərçivəsində iştirakçıların nəqliyyat, yaşayış və qida xərcləri “İRƏLİ” İctimai Birliyi tərəfindən qarşılanır.
• Düşərgədə iştirak müraciət əsnasında həyata keçirilir. İştirak üçün hazırlanmış mövcud ərizə formasına daxil olmaq və doldurmaq kifayətdir.
• Son müraicət tarixi : 25.07.2015
• Ərizə forması

İştirakçıların seçim meyarı :

• Layihədə iştirak üçün yüksək motivasiyası olmalı
• Layihə dövründə iştirak edəcək şəxslər layihənin davamlılığı üçün nəzərdə tutulan fəaliyyətlərdə aktiv iştirak etməli
• Mütəmadi xəstəliyi olmamalı
• Dağadırmanma, velosiped və s. ekstrim idman növlərində ilkin bacarıqlara sahib olmalı

İRƏLİ İctimai Birliyi tərəfindən həyata keçirilən SAY hərəkatı ilk tədbirini Avropa Oyunlarına dəstək istiqamətində könüllülərin dəstəyi üçün həyata keçirmişdir.

Layihə üzrə əlaqələndirici şəxs: Aydan Qasımova
Telefon : +994553277504
Email: aydan.gasimova@ireli.az