Oyunların məşəlini Azərbaycanın məşhur heykəltəraşı və xalq rəssamı Ömər Eldarov qəbul edib. Görkəmli incəsənət xadimi jurnalistlərə açıqlamasında həyatında ilk dəfə olaraq, məşəli daşıdığını qeyd edib: "Mənim yaşım kifayət qədər çoxdur, 87 yaşım var. Həyatımda ilk dəfədir məşəl qəbul edirəm. Bu, mənim tərcüməyi-halım üçün çox əhəmiyyətlidir". Azərbaycanlı heykəltaraş I Avropa Oyunlarının Bakıda keçirilməsinin ölkəmiz üçün olduqca böyük tarixi hadisə olduğunu deyib.