Səriştəliklərin insan resurslarının idarə edilməsi sisteminin əsas funksiyaları üzrə bir çox istiqamətdə istifadəsi mümkündür. Qısa olaraq onlar haqqında məlumatı paylaşıram. İşə qəbul.

İşə qəbul

• İşə qəbul tələblərini aydınlaşdırır;
• Uğurlu işçi seçimi etmək şanslarını artırır;
• Şirkətin tələblərinə uyğun gəlməyən işçilərə sərmayənin yatırılmasını azaldır;
• Daha sistematik müsahibə prosesi üçün şərait yaradır;
• İnkişaf etdirilməsi asan və daha çətin olan səriştəliklər arasında fərqləri müəyyən etməyə yardımçı olur.

Təlim və inkişaf

• Nəticəyə daha çox təsir edən səriştəliklər üzərində diqqəti cəmləşdirmək imkanı yaradır;
• Təlim və inkişaf strategiyasının şirkətin strateji maraqları ilə əlaqələndirilməsini təmin edir;
• Təlim və inkişafa edilmiş sərmayənin səmərəliliyini artırır;
• Davamlı əks əlaqə üçün zəmin yaradır.

Performansın qiymətləndirilməsi

• Hansı keyfiyyətlərin inkişaf etdirilməsinin və qiymətləndirilməsinin zəruriliyi müəyyən edir;
• Performans müsahibələrini daha hədəfli edir;
• İş yerində tələb olunan zəruri davranış ilə bağlı fikirləri aydınlaşdırır.

Davamçıların yetişdirilməsi

• Kritik pozisiyalar üçün zəruri olan səriştəlikləri aydınlaşdırır;
• Namizədin növbəti karyera yüksəlişinə hazır olub-olmadığını müəyyən etmək imkanı yaradır;
• Yüksək potensiallı işçilərin müəyyən edilməsinə yardımçı olur.

Müəllif: Nurlan Şixəliyev