İstehlakçıların 90%-i satınalma qərarlarına internetdəki şərhlərinin təsirli olduğunu bildirir, 44%-i bir məhsulu mağazaya gedib almamışdan əvvəl internetdə araşdırır, 61%-i isə kontent yaradan brendlərin məhsullarını almaqda daha maraqlıdırlar. Statistikanı daha da uzatmaq olar. Bu mövzuya təmas etməyimdə Scott Strattenin böyük təsiri var.

Strattene gorə sosial media iki və daha çox insan arasında olan söhbətdir. Sosial media, hər kəsin bərabər uğur qazanmaq imkanına sahib olduğu böyük bir məkandır. İnsanlar markanız haqqında danışırlarsa siz bu söhbətlərin bir parçası olmalısınız. Əgər, Facebook-dan blog yazılarınızı güncəlləşdirmək və ya yanlız reklam vermək üçün istifadə edirsinizsə bu zaman Facebook sosial media vasitəsi deyildir (Twitter və ya LinkedIn-də həmçinin).

Şirkət təmsilcilərinin sosial mediadan faydalanmamalarının əsas səbəbi kimi vaxtlarının olmaması, qoyulan investisiyanın (ROİ) qayıdışının olmaması ve s. kimi şərh edirlər. Amma məncə şirkət təmsilçilərinin sosial mediadan çəkinmələrinin əsas səbəblərindən biri mesajlar və ya şərhlər üzərində nəzarətlərinin olmamasıdır.

Şirkətlər müştərilərlə əlaqədə olmaq üçün müştəri xidmətlərinə ehtiyac duyurlar. Sosial media vasitəsi ilə bu daha rahatdır, amma tək fərq bunu ictimaiyyət arasında etməli olmağınızdır. Təbii ki, sosial medianın müsbət və mənfi tərəfləri vardır. Müsbət tərəfi-müştərilərinizə dəyər verdiyinizi, onları dinləməyə hazır olduğunuzu, bir sözlə müştəri xidmətlərinə diqqət mərkəzində saxladığınızı göstərmək üçün əla fürsətin olmasıdır.

Negativ tərəfləri isə şirkət hesabının sosial media üzrə lazımi bacarıqları olmayan şəxslər tərəfindən idarə olunduqda ve ya müştəri şikayətlərinə diqqət ayırmadıqda ortaya çıxır (əminəm ki, “Park Cinema – Çin dili faciəsi” əksəriyyətinizin yadındadır). 3-33 qanunu düşündükdə WOMM vasitəsilə mənfi rəylərin yayılma sürətini hələ heç düşünmək istəmirəm. Və ya başqa bir nümunə yəqin ki , turbo.az rəqib şirkətin emblemi altında paylaşdığı paylaşımı hər kəs xatırlayar. Sosial media hesabınızı təslim edəcəyiniz mütəxəssis(lər) müştəri əlaqələri, online marketinq, SMM, SEO kimi sahələrdə kifayət qədər məlumatlı olması gərəkir.

Şirkətlər insanlara haqq qazandırırsa, xətalarını qəbul edirlərsə inanın ki, müştərilər bağışlayıcı olur. Müştəri şikayət edirsə əlinizdə əla fürsət var deməkdir : ictimaiyyət arasında müştəriylə təmas… Xüsusən, sosial mediada davamlılıq çox vacibdir. Əgər, həftə ərzində bu platformaya ayıracaq bir neçə saatınız varsa bunu bir dəfəyə deyil də, parça-parça istifadə etsəniz daha faydalı olar. Bazarda olduqca peşəkar SMM ilə məşğul agentliklər var. Keçmiş, indiki və gələcəkdəki potensial müştərilərinizlə davamlı üniyyət üçün sosial media agentliklərindən faydalanmağa dəyər.

Müəllif: Müşfiq Şirəliyev