Kiçik sahədə yaşamaq Yaponiyada sənət kimi qəbul olunur.

ANS PRESS-in məlumatına görə, yaponların bu həyat üsulundan bəhrələnən universitetlər tələbələr üçün balaca evlər inşa etməyə başlayıb. Yaponiyada geniş dəb halını almış 1 + 1 məzillər tualet böyüklüyündədir. Daşınmaz əmlakın qiymətindəki artım insanları kvadratı az olan mənzillərdə yaşamağa məcbur edir.

Gedərək kiçilən bu evlər bağlı yerdə yaşamaq qorxusu olanlar üçün uyğun deyil. Honq-Konqda da bu cür evlərin inşası geniş vüsət alıb. Dünyanın ən kiçik mənzilləri burada yerləşir. Yüz minlərlə insan çox mərtəbəli binalaradakı balaca mənzillərdə üst-üstə yaşayır.

Bu cür evlərdə əsasən az gəlirli insanlar yaşayır. Evlərdə mətbəx, yataq otağı, qonaq otağı, hətta vanna otağı da var. Əhalinin sıx, kirayə qiymətlərinin yüksək olduğu Honq-Konqda daha çox yaşlı və işsiz insanlar bu evlərdə yaşayır.