Tərtər Elektromexanika zavodu

Tərtər Elektromexanika zavodu (TEMZ) Azərbaycan SSR Nazirlər Sovetinin 246 nömrəli 03 avqust 1976-cı il tarixli Sərəncamına əsasən “Azərsutikinti” Baş idarəsinin Tərtər rayonu ərazisində yerləşən obyektlərinin bazasında yaradılmışdır.1977-ci ildən zavod SSRİ Radio Sənayesi Nazirliyinin tərkibində olan və Moskva şəhərində yerləşən Lionozovo Elektromexanika zavodunun Tərtər (Mirbəşir) filialı olmuşdur.Zavod ilk fəaliyyətini 1977-ci ildə mühərrikli qayıqlar üçün “Taxometr-spidometr” məhsulunun istehsalı ilə başlamışdır.1993-cü ildən zavod DXMKK-nin tərkibində olmuş, 2006-cı ildən isə Müdafiə Sənayesi Nazirliyinin tabeliyində fəaliyyət göstərir.

Tərtər Elekromexanika zavodunun fəaliyyət istiqamətləri

• texniki təyinatlı məhsulların istehsalı;
• xalq təlabatı mallarının istehsali;
• əhaliyə pullu xidmətlərin göstərilməsi.

Tərtər Elekromexanika zavodunun məhsulları Xüsusi təyinatlı məhsullar (Proqram üzrə) və Mülki təyinatlı məhsullardır.

Mülki təyinatlı məhsullar

• Texniki təyinatlı məhsullar:
• müqavilə əsasında hissələrin hazırlanması;
• avtobus dayanacağının hazırlanması;
• dəmir konteynerlərin hazırlanması;
• tullantı qutularının hazırlanması;
• Xalq təlabatı malları:
• mağar komplektinin hazırlanması (mağar, stol, stul);
• odun sobası;
• su çənləri;
• dəmir darvaza;
• seyf qapıları.

Tərtər Elektromexanika zavodunun istehsal sahəri

• Mexaniki yığma:
• soyuq ştamplama;
• torna;
• frezləmə;
• cilalama;
• deşmə;
• kəsmə.
• Qaynaq:
• elektrik qaynağı;
• qaz qaynağı;
• nöqtəvi qaynaq.
• Rezin kütlə istehsalı:
• presləmə;
• vulkanizasiya.
• Ağac emalı
• Qalvanik emal:
• sinkləmə;
• kadmiumlama;
• anodlama;
• passivləşdirmə.
• Lak-boya ilə örtükləmə
• Alət istehsalı:
• texnoloji tərtibatların hazırlanması;
• konduktorların, ştampların və s. hazırlanması.