Dünyada, hәmçinin Azәrbaycanda aktiv istifadә edilmәyәn Google Plus sosial şәbәkәsindә şirkәt profili yaratmaq Azәrbaycanlı iş adamına lazımdırmı? Yazıda bu suala cavab tapmağa çalışacağıq.Bir çox biznes sahiblәri Facebook’da şirkәtin sәhifәsini yaratmaq vә idarә etmәklә rәqәmsal marketinq dünyasında tәmsil olunduqlarını düşünürlәr. Doğrudur, Facebook hazırda әn yaxşı rәqәmsal marketinq alәtidir vә Facebookda reklam vermәyin üstünlüklәri çoxdur. Amma unutmaq lazım deyil ki, rәqәmsal marketinq tәk Facebook’an ibarәt deyil vә onlarla faydalı sosial şәbәkә, yüzlәrlә marketinq alәti mövcuddur.

2011’ci ildә Google (indiki Alphabet) şirkәti Facebook’a rәqib olaraq Google Plus sosial şәbәkәsini yaratdı, amma bu layihә nә dünyada, nә dә Azәrbaycanda yetәrincә maraq görmәdi, daha doğrusu Google şirkәti bunu zamanın tәlәbinә çevirә bilmәdi, yoxsa ki, bizim nә hәddimizә ki, maraq göstәrmәyәk. Facebook’u bәyәndiyimiz üçün istifadә etmirik ki, zamanın tәlәbi olduğu üçün istifadә edirik.Müxtәlif vaxtlarda Google’un sosial şәbәkәsini bağlayacağı haqda şayiәlәr dә yayılırdı. Bütün bunların fonunda Azәrbaycanda bir şirkәtin Google Plus hesabı olması lazımdırmı? Әlbәttə ki YOX! deyә düşünür әksәriyyәt. Amma cavab әksinәdir, әlbәttә ki, lazımdır.

SƏBƏB:

Google Azәrbaycanda (elәcә dә dünyada) әsas axtarış sistemidir. Vә biz gündәlik hәyatımızda Google’dan çox istifadә edirik. Google axtarış nәticәlәrini tәqdim edәndә ilk olaraq öz sosial şәbәkәsini önә çıxarır (mәntiqli olaraq). Mәsәlәn siz hansısa bir xәbәri hәm Facebook’da, hәm G+’da paylaşsanız axtarışda ilk olaraq G+ nәticәsi çıxacaq. Google yeni mәlumatları bir neçә saata vә ya bir neçә günә indekslәyir, amma Google Plus’dakı mәlumatların indekslәnmәsi bir neçә dәqiqә çәkir. Siz bloq yazınızı G+’da paylaşın, 5 dәqiqә sonra oxşar başlığı axtarış edin, bloqunuzdakı yazı çıxmayacaq, amma G+’dakı paylaşımınız çıxacaq.

Bu, biznes sahiblәri üçün nә demәkdir?Sizin şirkәtinizin Google Plus profili aktiv idarә olunsa, aktiv paylaşımlar edilsә sizin mәhsul/xidmәt haqda mәlumatlar Google’un bazasına daha çox toplanacaq vә potensial müştәrilәrinizin axtarış edәrkәn sizin tәkliflәrinizlә qarşılaşmaq ehtimalı dәfәlәrlә artacaq.Bir ay öncә Google Plus yeni interfeysini tәqdim etdi. Bu da onu göstәrir ki, Google’un sosial şәbәkәsini bağlamaq fikri yoxdur. Buna görә dә әgәr sizin şirkәtin Google Plus şәbәkәsindә profili yoxdursa elә bugündәn profili aktivlәşdirin vә pul xәrclәmәdәn yeni müştәrilәr cәlb edin.

Müəllif: Orxan Rzayev