Kosmosa uçmaq istəyənlərin sayı rekord həddə çatıb

Kosmosa uçmaq istəyənlərin sayı rekord həddə çatıb
2789

Bir neçə müddət bundan öncə NASA astronavt olmaq istəyən könüllülər axtarışında olduğunu bildirmişdi. Nəticədə müraciət edənlərin sayı əvvəllər müraciət edənlərin sayını keçib. Bundan öncə edilmiş müraciətlər üzrə rekord hələ 1978-ci ildə müşahidə olunmuşdu. Onda NASA-ya 8000 insan müraciət etmişdi. Bu dəfə kosmik proqramda iştirak etmək istəyənlərin sayı 18300-ə çatıb.

2012-ci ildəki göstərici ilə müqayisədə bu nəticə 3 dəfə böyükdür. Növbəti mərhələdə NASA mütəxəssisləri bu qədər adamın içində uyğun namizədləri seçməlidirlər. Həmin 18300 insandan yalnız 8-14-ü kosmosa yollanmaq üçün vacib xüsusiyyətlərə sahib olacaq. Seçiləcək astronomlar "Orion" kosmik gəmisinin köməyi ilə kosmosun dərinliklərini müşahidə etmək üçün yola düşəcəklər. Astronavtlardan ibarət olacaq tam siyahını NASA 2017-ci ilin yay fəslində təqdim edəcək. İndi isə NASA həmin siyahıdakı insanların sayını maksimal dərəcədə azaltmalıdır. Bəlkədə siyahıdakı insanlardan kimsə Mars-a ayaq basacaq ilk şəxs olacaq.

Mənbə: http://technote.az/