"Kosmosa ismarış" kampaniyası atası kosmonavt olan 13 yaşlı Stefaniyə həsr olunub. Hyundai Motor qıza atasının kosmosdan oxuya biləcəyi məktubu yazmaq imkanı verən üsul düşünüb. Hyundai Motor-un təqdim etdiyi 11 Genesis avtomobili qurumuş Delamar gölünün dibində ərazisi Nyu-Yorkdakı məşhur Central Parkı 1,5 dəfə geridə qoyan ismarış yazıb. Bunun hesabına kosmonavt öz qızının məktubunu kosmosdan oxuya bilib. 5,55 kvadrat kilometrlik ərazisi olan məktub Ginnes rekordları komitəsi tərəfindən rəsmi olaraq "təkər izlərilə yaradılmış ən böyük rəsm" kimi tanınıb.