Dünyanın qəribə qanunları — 7

Bu adda silsilə yazılardan yeddincisini təqdim edirəm. Tarix boyu mövcud şəraitə uyğun olaraq rəsmilər və hakimiyyət nümayəndələri qəribə qanunlar qəbul edib. Bu qanunlara gülməklə kifayətlənməyib onların qəbul olunduğunu tarixi şəraiti nəzərə almaq labüddür. Bəziləri artıq tarixin kitablarında qalmalı, digərləri isə həqiqətən də qəribəliyinə görə yenidən baxılmalıdır. Gəlin bu qanunlar haqqında yeddinci məqaləni oxuyaq. Birinci,ikinci, üçüncü , dördüncü, beşinci və altıncı məqalələrlə tanış ola bilərsiniz.

Uelsdə qanuna əsasən bütün oğlanlar reqbi oynamağı öyrənməlidirlər.ABŞ-ın Şimali Dakota ştatında şlyapa ilə rəqs etmək qanuna ziddir. ABŞ-ın Vermont ştatında qanuna görə qadınlar həyat yoldaşlarının icazəsi olmadan protez diş qoydura bilməzlər (əri baxıb səhər-səhər qorxar birdən J).İtaliyada yubka geyinən kişilər həbs olunur. (Kişi nədir yubka nədir?) Böyük Britaniyada gecə yarısından sonra şəhər divarları daxilində yaydan uelslilərə ox atmaq icazəsi verilir.

ABŞ-ın Atlanta şəhərində qanuna görə zürafəni telefon dirəyinə bağlamaq olmaz. ABŞ-ın Ohayo ştatında balıqları sərxoş etmək qadağandır. İrlandiyada 3 saat 30 dəqiqədən az marafon qaçışı qadağan edilib.Kanadada qapı və pəncərəni açıq qoyub 1 həftədən çox evini tərk etmək qanuna zidd sayılır.Belçikanın ərazisində, Brüsselin 20 kilometrliyində yerləşən Vaterloo şəhərində bərbərlərin saat 07.00-dan 19.00-a qədər soğan yemələri qadağandır (ada niyə??)

Böyük Britaniyada həftənin istənilən günü (bazar günü istisna olmaqla) şotlandla qarşılaşsanız ona yaydan ox ata bilərsiniz. Görünür, bazar günü oxatanlar istirahət edirlər.Fransada əgər donuzunuz varsa ona “Napoleon” adı vermək qadağandır.İslandiyada “Scottulaejir” lövhəciyi olan hər kəs tibbi xidmətlər göstərə bilər, çünki tərcümədə bu söz “türkəçarəçi” deməkdir. Onda azərbaycanlılar ora getməsin, yoxsa hamısı bu lövhəcikdən istifadə edərlər.İtaliyada yerli qanuna görə Mariya adlı xanımlar fahişəliklə məşğul ola bilməzlər. (başqalarına olar )

Çində qəribə qanun var: suda boğulan adamı xilas etmək qanuna ziddir, çünki xilasetmə onun həyatına müdaxilə kimi qiymətləndirilir. Sinqapurda əgər bir nəfəri üç dəfə küçəyə zibil atdığı üçün tutsalar, onu bazar günləri küçələri yuduzdururlar, boynuna isə “Mən zibillədim” lövhəciyi asırlar. Belə cəzalar yerli telekanallar tərəfindən işıqlandırılır. Azərbaycanda mütləq bunu tətbiq etmək lazımdır.

Müəllif: Tural Turan

Mənbə: https://turalturan.wordpress.com/