Otelə gedən yol məşhur Ağsu aşırımından keçir. Kompleks təbiətin qoynunda, dəniz səviyyəsindən 900 metr yüksəklikdə yerləşir, buradan dağlıq Şirvana füsunkar mənzərə açılır. Mərkəzin ümumi sahəsi 25 ha-dır. Əsas binanın birinci mərtəbəsində 120 yerlik, ikinci mərtəbəsində 150 yerlik restoran-bar fəaliyyət göstərir. İstirahət mərkəzində VİP otaqlar var. Ərazidəki 16 kotecdən 11-i üçotaqlı, qalanları isə ikiotaqlıdır. Həmçinin, qolf və voleybol meydançaları, tennis kortu var.