Caspel

“CASPEL” şirkəti Azərbaycan Respublikasının ərazisində informasiya texnologiyaları və telekommunikasiya sahəsində kompleks həll variantlarını təqdim edən ən iri inteqrator şirkətlərdən biridir.Şirkət məlumatların ötürülməsi üzrə həll variantlarını, proqram təminatının işlənib hazırlanmasını, İT avadanlıqları və kompüterlərin istehsalı ilə məşğul olan dünyanın qabaqcıl şirkətlərindən müasir avadanlıqların təchizini və servis xidmətini təqdim edir.“CASPEL” şirkəti Azərbaycanın bütün ərazisini əhatə edən özünün fiber-optik şəbəkəsinə malikdir. İstənilən miqyaslı telekommunikasiya sistemlərinin qurulması və modernləşdirilməsi sahəsində ən yeni texnologiyalardan istifadə, həmçinin “CASPEL”-in aparıcı mütəxəssislərinin malik olduqları zəngin təcrübə optimal layihə həllinin qəbul olunmasına təminat verir.